mYoga app for One World One Health on International Yoga Day 2021
International Yoga Day 2021 ke mauke par Pradhan Mantri Shri Narendera Modi ji ne WHO aur AYUSH Ministry ke collaboration se bani mYoga app ko launch kiya. Shuruvaat me mYoga app ko French, English, Hindi language me launch kiya jaayega. mYoga app ke sath-sath “Yoga Se Sahyog Tak” ke zariye “One World One Health” ka bhi mantra diya|
mYoga app Google Play Store se download kar paayenge|
mYoga app ki jarurat kyon padi?
Corona ne hum sabhi ki zindgi ko disturb kar diyaa hai. Sabhi ke jeeven me alag tarah ki insecurities janm le rahi hai.
wo chaahe aapke aur aapke parivaar ki health ki chintaa ho ya phir aapke naukari, job, business ki ho. Inke alawa corona ke naye variants, 3rd wave ke aane ka darr bhi ghabraahat badhata hai.
Halaki COVID Vaccine bhi aa gayi hai, lekin phir bhi stress to hai hi.
Lekin aap ye baat bhi samjhte ho ki bina healthy body or mind ke hum is musibat ka samna nahi kar paayenge.
Sab log apne tareeke se is samsyaa ka saamna kar rahe hai.
Lekin agar ek tareeka jo sadiyon se India ke paas hai aur ab jisko poori duniya ne apna liya h, to wo h Yoga.
Ye aapko mann ke saath saath body ko bhi healthy aur peaceful banataa h.
lekin aajkal ki tej taraar zindgi me time bahut badi cheej h taaki hum kahin jaakr yoga seekhein aur iska fayda uthayein.
Jaruri baat yah bhi h ki scientific tareke se or aapki jarurat ke hisab se yoga guide kon milega.
Lekin ab WHO or Ayush Ministry of India ne is problem ka solution aapke phone tak, aapke ghar tak pahunchaane ka intezaam kar diyaa hai or banaa daali hai mYoga app.
mYoga App me kya hoga?
Is app pr alag languages me yoga training or practical session ke video milenge jinko aap apni need ke anusar istemaal kr paayenge. Filhal ye teen languages me launch hui hai- English, Hindi, French. Agle mahine isko or bhi languages me available karwaaya jaayega.
Agar app android use hai to mYoga app ke liye aapko google ke play store pr jaake install karnaa hoga.
mYoga app ko kaun istemal kar sakta hai?
Is app ko 12 se 65 saal ki age ke logo ke liye banayaa hai, kyonki 12 saal se chhote or 65 saal se bade bujurgo ko apni nigraani me hi unki jarurat anusar yoga karwana chahiye.
PM Modi ne International Yoga Day June 21, 2021 ko desh ko address kiya aur is app ke baare me jaankari di. Is baar poori duniya 7th International Yoga Day celebrate kar rahi hai.
Last year COVID ke chalte sirf virtually logo ne apne apne gharo me rehke International Yoga Day Celebrate kiya tha. Lekin is baar COVID Protocol ko follow karte hue, India ki 75 cultural heritage locations pr isko celebrate kiya jayega.
7th International Yoga Day ki theme hai “Yoga For Wellness” h, kyonki post CORONA logo ki overall well ness me yoga helpful rahega jiski help se future me is tarah ke mahaamaari ke prabhav ko km kiyaa ja sakega.
Sirf COVID hi nahi anay bimaariyon se bhi bachayega. Isi muhim ko dhyan me rakhte hue scientific literature ke adhar pr WHO or ayush mantralay, India ne milkar is app ko banaaya hai.
Aajkal ke badhte digitalisation ke dor me mYoga aapke smartphone pe ek touch se aapke paas scientific yoga training aapke paas hr waqt laayega , wo bhi aapki manpasand language me. ye app ek good example h ancient India ki Yog dharohar aur modern jamaane ki technology ke milan ka.
177 countries ne September 27, 2014 ko PM Modi ke UN General Assembly me International Yoga Day celebrate karne ke prastaav ko sehmati di. Aaj Canada, America jaise bade bade desh International Yoga Day ko celebrate karte hain.
Isliye International Yoga Day ke din is app ko download kijiye or swasth life ki taraf badhiye.
Umeed karte hain ki ye jaankari aapko achchhi lagi hogi aur aap ise dusre logo se share karne ke baare me vichar karenge.
Dhanyvaaad.
